Reisetagebuch Toronto (13.11. -
11.12.2004)
13.11.2004: Abflug in Zürich mit Lufthansa nach Frankfurt,
dort schnell umgestiegen und wiederum mit der Lufthansa
nonstop nach Toronto. Dort hat mich dann ein netter Herr
abgeholt, genauer gesagt Danny, ein Teil meiner Hostfamily.
Er brachte mich dann in sein Haus an der Gamble Avenue im
Nordwesten von Toronto. Dort habe den Rest der Hostfamily
kennengelernt (Bob der Koch, Paco mein Mitstudent from
Messicho, Lewine der männliche Hund und Dakota der
weibliche Hund) und meine Stellung bezogen. Laptop
ausgepackt und das Internet angezapft. Verdammt, die Typen
hier haben 3Mbits down und 3Mbits up (SDSL), und das ganze
für schlappe $20 per month. Gerade mal bluewin.ch schräg
von der Seite anquatschen....
14.11.2004: Das erste Mal die nähere Umgebung beschnuppert.
Eigentümliche Wesen kreuzten meinen Weg, aber auch
altbekannte Imbissbuden traf ich an. Gegen Abend, als Danny
aus dem Koma seiner samstagabendlichen Sauftour erwachte,
machten wir eine zweieinhalbstündige Stadtrundfahrt mit dem
Auto. Leider sah ich in diesen 2,5h nur etwa 3-5% der
Stadt, das Ding ist einfach gigantisch.
15.11.2004: Mein erster Schultag in dieser wunderbaren
Stadt. Ist schon noch tricky wenn man das erste Mal mit
fremden Verkehrsmitteln sich fortbewegen muss (Oder weiss
per Zufall jemand von Euch was um alles in der Welt "Token"
sind?). Naja, mittlerweile weiss ich ein bisschen mehr ;-)
In der Schule standen diverse Einstufungstests an
(schriftlich und mündlich) und auch Orientierungen und
Vorschriften ohne Ende. Also, ich kam in die Schule und was
musste mein geschultes Holzauge sehen? Eine Chicka aus der
Schweiz, hihi. Warum ich das gesehen habe? Das bleibt mein
Geheimniss, aber eins mal vorneweg: Ich war nicht mit ihr
auf dem Klo!!!! Wir haben uns dann artig in English
unterhalten (Deutsch kommt nicht in die Tüte, ist sogar in
der Schule verboten). Nach den ermüdenden Stunden in der
Schule machte ich einen "kleinen" Spaziergang nach Downtown
(klein ist relativ, es waren 8km die ich auf meinen
Plattfüssen Marke Kindersarg zurücklegte) und schoss viele
Fotos. Vor der Rushhour gings dann nach "Hause".
16.11.2004: Ich ha grad min erschte Schueltag gha und nach
de Schuel bini nu chli downtown gu laufe, Phöteli mache,
s'Eaton Center mit em Sears gu bsueche und i Burger King
gschtoche. Bi relativ schpat heicho und ha nu vil mit em
Bob und em Danny gredt und chli TV gugget. I de Schuel bini
bi de Pre-Intermediate 2, isch glaubi nid schlächt (nacher
gids nu: Intermediate 1, Intermediate 2, Intermediate 3,
Pre-Advanced und Advanced). I minere Klass simmer 11 Nase:
Nu en Schwiizer us Bärn (18ni), zwei Mexican Girls (eis
18ni = verwöhnts Einzelchind mit eme DFM (Dick Friendly
Mouth, was lehrt mer nid alles hie) und die ander isch
35gi), zwei Boys us Südkorea, zwei Boys und eis Girl us
Taiwan und ä Boy und äs Girl us Japan. D'Klass isch glatt
und mier hend zwei Lehrerinne, en italienschschtämmigi
Kanadieri und en reinrassigi Kanuckefrau. Sind beid nid so
hübsch ;-) Die zwei sind aber rächt hert: Alltag Husufgabe
und am ändi vo de Wuche voll de Wuchetescht plus
zwüschetdure unagmäldeti Blitzer. Naja, das kann ja Eiter
werden ;-) Aber wie hed schu öppert andersch gseid: Ohni
Iisatz bliibt nujr de letschti Platz. I de Pause isch
d'Schuel au immer fett volle, äs sigid im Momänt wenig
Schtudänte dette (ca. 300, im Summer gahds up to 450).
17.11.2004: Bi hüt am Morge natürli schu s'erscht Mal
z'schpat i d'Schuel cho. Bi hie ca. 08.30 älei usegwütscht
(de Paco hed sooooooooone Grind gha daser unmöglich hed
chönne i d'Schuel gah. De Typ isch am Zischtigabig is Pub
mit de nüüe Studäntä i de Hoffnig Eini chönne ufzrisse,
aber ausser Spesen nichts gewesen) und denn wie immer
z'Fuess uf d'U-Bahn. Doch die Scheissubahn isch nur
gschliche will Rushhour gsi isch. Bi de im Ändeffekt ca. 5
Minute z'schpat cho und was müend mini müede Äugli gseh: En
TESCHT! Etz hed doch die eint Lehreri en Test gmacht über
üsi Vorliebe bim Ässä, Trinke etc. Hesch müesse 5 Sache vu
allne Schtudäntä wüsse. Au das wird benotet! Fuck, und ich
ha doch de erschti Schueltag mine Ohre chli Ferie gäh.
Naja, ha halt glich de 7 vu 19 richtig gha und bi nu de
Viertbescht gsi ;-) Denn hemmer chli Grammar gha (I wisch I
had....etc.). Naja, isch scho nu interessant gsi. Als
Dessert am Morge heds nu "opinions" gäh. Sie hed de mit
verschidene Ussage provoziert und mer hätt sölle zuschtimme
oder dägägäredä. Naja, woni de a der Reihe gsi bi heds
gheisse: "Women are smarten than men!" Und wili nid
unbedingt i dere Meinig gsi bi hani gseid: "What the hell,
no way!" Und denn isches losgangä: "That's dirty English,
I''ll nerver hear this language in this classroom.
Blablabla....". Tja, etz hani halt schu wider en Tollge im
Heftli, aber was sölls. Z'erscht hani nu öppis anders welle
sägä, mit em böse f-Wörtli zwüschet no und way (so wies de
Bob und de Danny alig sägid), ha mich de aber
churzfrischtig andersch entschide. Bimer grad am überlege
wie ächt denn d'Reaktion gsi wär ;-) Am Namitag hemmer chli
Färnsehprogramm müesse mache, also richtig Schauschpilere
und listing comprehension über üs la ergah. Aber isch nu
guet gsi, au wenn ich mich nümme a so lang Schuel sitze
gwöhnt bi (isch halt au schu 11 1ahr sithär sit ich aligs
tagelang i de Schuel bim Mösel und äm Würmli umeghanget
bi). Etz chund de absoluti Oberhammer: Bi dere Lehreri woni
z'schpat cho bi isch ja diesäb womi zämegschisse hed wäg
minere Wortwahl: Dett hättemer Huusufgabe gha, aber was
gsehd de Adi am Abig: Är hed d'Huusufgabe i de Schuel
vergässä! Bimer grad am überlegge öbi en Helm söll ufem Wäg
gu poschte oder öbi ab Morn Zyt fürne Rundreis dur Kanada
ha ;-) Bi nach de Schuel nu churz i d'Stadt gune
Kanadish-Änglisch-Dix gu poschte und en Linenal und
Chugelschriiber zum verchätschä ;-) Denn bini nu ine
Starbucks gune heissi Schuggi hole. Leider hani kei Phöteli
chönne machä: Vil Näbel, Rägä und Wind im Momänt. Woni
deheime gsi bi hed de Bob Chickenwings gmacht, dezue heds
en Ceaser-Salad und Suppe gäh. De Bob choched alles mit
"Kick", das heisst das Gschmeus isch scharf und weni scharf
sägä denn isches wirkli scharf. Doch geschter heder de
Vogel abgschosse: Irgendöppis ischem glaubi i d'Suppe und i
d'Marinade vo de Chickenwings gfloge, de arm Cheib hed
gschwitzt und tief gschnuufet woners gässä hed näbe mier.
Ich ha de dänkt: OhOh, call 911? Ich has de au gässä und
siehe da: Äs isch würzig gsi, aber nie sooooo scharf, aber
guet!
18.11.2004: Hüt am Morge hemmer de Paco la schlafä, de
Siech hed s'Gfühl mer wecki ihn alli Mörge nur daser i
d'Schuel chöng. De isch alte gnueg zum sich sälber weckä
;-) Suufe dafer ja au ;-) Leider heds hüt Morge kei
Buuschtell ufem Wäg i d'Schuel gha, so hani wohl oder übel
müesse mier en Usred usdänkä ;-) Ich ha de gseid: "The
subway has eat my homework!" I aläähnig a de beliebti
Schpruch: De Hund hed mini Huusufgabe gfrässä. Leider heds
nid soooooo gwirkt und d'Sabrina (en italiänischschtämmigi
Kanadieri) hed mich chrumm agugget. Aber mit eme umwärfende
Hundeblick miinersiits hani die Situation beändet (sie hed
wahrschindli gmeint dasi gli mis Bei lüpfe und a Schtuehl
ane seiche, so realistisch mues mi Hundeblick gsi si =>
de hani vo üsne Köter möge lehre wenns aligs umenes cookie
bättlid). De Bob hed mier äs Fleischsandwich gmacht mit eme
huufe Bölle dinne. Ier söttid mal en Zug us minere Nase
näh, das bringt eim nid nur s'Augewasser sondern au nu en
Aaflug vo Hunger und de unbeherrschti Drang z'fürzle.
Suscht isch de Schueltag ender ruhig gsi, ussert dasmer en
huufe groupwork und Gschiteschriiberlis gha hend. Ender
langwilig, aber luschtig.
19.11.2004: De hütig Tag isch schön gsi, schön under
anderem wili am Morge früeh en Tescht gha ha. OMG, was han
ich fürne gagge anegschribe, aber was sölls, isch ja nur en
friiwilligi Schuel ;-) Nid dasi kei Ehrgiiz hätt, nur ich
gsehs nid grad sooooo äng, wenns mal nid passt, denn wirds
passend gmacht ;-) Hauptsach mer hend nacher nu vil Spass
gha i de Schuel. Nach de Morgepause isch nu üsi
Paralellklass incho und siehe da: nu einisch zwei Schwiizer
;-) Mier hend de Gruppearbet gmacht, das heisst mer hed
müesse Ässware probiere und die i de Gruppe uf Änglisch
beschriibe, also Gschmack und s'Gfühl im Muul. Mier hend
under anderem äs Wort gha das hed "mushy" gheisse, was
sovil bedüütet wie Matschig im Muul. Leider hed d'Lehreri
das als "muschi" ugschproche und mier vier Swiss Guys sind
schier abem Schtuehl ghiid. All hend de welle wüsse warum
dass mier nümme chönd vo lache aber das hemmer de nid döffe
verzelle. Eigentlich heisst das Wort richtig usgschproche
"maschi" ;-) Ich has de de Lehreri müesse erkläre (jawohl,
das isch en Job gsi füre Dr. Prof. med. gyn. Eidrien). Die
hed isch schier umkippt und füüürrot isch sie worde ;-)))))
Oh mängisch lieb ichs dasi sone Sau cha sii ;-) Aber
nichtsdestotrotz sind d'Schtunde duregangä und irgendwenn
isch Mittag gsi. Jawohl mini Dame und Herre, das heisst
dasi en Namitag lang frii gha ha, will am Fritig isch kei
Schuel am Namitag. Ich bi de chli dur s'Universitätsgläng
gwatschlet, bi zum CN Tower und SkyDome gloffe und ha
flissig Bildäli gmacht (die sind im Übrige uf de Homepage
zu agugge bereit). Suscht hani nu allerlei interesanti
Sachä gseh und im Eaton Center bini dur d'Gschäft
gschliche. Anschtatt z'Nacht z'ässä sind de Bob und ich nu
mit em Danny is Yorkdale Shoppin Center gfahre. Ja, mier
sind im Dunkle ca. 45 Minute ei Wäg underwägs gsi und das
z'mitzt über d'Stadtautobahn, verbii a de Hochhüüser mit
ihrne 100'000 Liechtli. Sooooooo geil. Womer de dette gsi
sind bini chli verchlüpft. Das Centerli isch öppe 5mal so
gross wies Mythe Center und beherbärgt öppis über 450 Lädä
(und de keine zweifach). De Parkplatz fasst ca. 18'000 -
25'000 Autoli. Naja, schu schön gsi. De Bob isch wäg eme
Job gu gugge und äs hed de Job übercho. Är schaffet etz bim
Arbey's eme Sandwichladä wie de Subway, nur sie hend die
bessere und feinere Sandwichs (mit Roastbeef). Mier hend de
grad dettä gässä und sind de nacher wid er 45 Minute
heigfahrä. Denn hani nu chli Färnseh gugget und bi de am
10ni is Bett.
20.11.2004: Woni ufgschtande bi isch de Paco nu im Koma
glägä, de Bob schu am 6i gu schaffä und de Danny au weg.
Nur d'Hundäli sind chli umegschtüüret uf dä Suechi nach
Happi-Happi. Ich ha de chli mich verpflegt und bi de gäg
die 11i au mal use und ab i d'Stadt. Leider heds gseicht,
so hani zum erschte Mal en Bus gnu. Heitere Cheib, so wie
die Type fahrid muesch schier en Helm aleggä. Chnebel abbe
und derfo und de wider voll uf d'Iisä. Aber glich schön gsi
so ohni nass z'wärdä vor de U-Bahn abgladä z'wärdä. Ich bi
de uf diräktem U-Bahn-Wäg is Eaton Center chli gu luege öb
de Jamie Oliver umeschliicht und vorallem dur all die RIESE
Gschäfter gloffe und gloffe und gloffe. Dami, da chasch
glaubi gäd äs paar Tag underwägs si. Ha grad chli gueti
aber au unnützi Sachä gseh (oder wett öppert vo üch en
J.Lo-Bademantel für $80? Also, wenn de mal en Motte hesch
isch das Ding nur als Vorschpiis geignet *grins*). Au
Underwösch für Fraue isch nid de Hit, aber luege muesmer
gliich ;-) Bi de nu chli a verschidnige Buechhandlige
nachestürchlet (jaja, meiner Begleiters Albtraum: Adili
gsehd en Buechhandlig). Irgendwenn hgeds mich afe bissä uf
em Chopf, da mini Häärli schu wider "lang" gsi sind. Ich bi
de i Sears gangä und ha en Remington für mini Problem
kauft. Nei, kei 9mm oder so, sondern ä Hirnimäher, or in
Canadien English: a headmower ;-) Geils Teil, chani
sicherlich bruuche, isch inere Box inne und hed ca 23 Teili
und en Schär und en Strähl (als ob ich de je würd bruuche).
De bini wiiter gloffe und ha chli Priise vergliche und bi
nu i ca. 3 wiiteri Buechhandlige. De bini mich ine Mäc gu
schtärchä und ufwärmä, da ich a) verusse umegloffe bi un d
b) äs mal wider gseicht hed wases abe hed möge und die geil
Kanalisation nid alles mag schlücke und jedes Auto mit
Freude dur d'Günnte durefahrt wenn en pedestrian i de Nöchi
isch :-( Ich ha mier denn ä Triple-Big-Double-Super-Mäc
gönnt *yummy*. Nach dere Schtärchig (hei, ha en
Fänschterplatz gha, da heds wider Sachä zum beobachte gäh)
bini de per Zuefall ane Dollarshop anetroled. I dene Shops
choschtet jedes Teili eifach $1, egal öb en grossi Cherze
oder en Chugelschriiber. Ich ha mich de mit Büromaterial
ideckt, das heisst ich ha wider Chugelschriiber zum
verchätschä und en Blättermappe für d'Huusufgabe, nid dasis
mal wider "verlüüre". De bini nu ine Buechhandlig gunes
Buech poschte woni schu lang ha welle. I de Schwiiz
choschtets z'vil und chumes au nur in änglisch über, drum
hanis hie poschtet, de chani a) mis Änglisch chli
verbessere bim läsä und b) isches billiger als bi üs.
Nacher bini nu chli gu Poschtchartä poschte und de mal hei,
isch nämli schu 4i gsi. Däheime hani chli d'Hundäli mit
Gutzi gfüetteret und mier sälber en Greek Salad
hinderezogä. De Bob isch de au mal vom Schaffä heicho und
de heder äbe si Darmaktivator koched. Mier hend de alli
gässä und chli Swan und en Dokumentation überne
Fraueknascht in England gugget. Denn hemmer am Danny chli
Konkurränz gmacht (är hed nämli sis Dolby-Surround-System
im Chäller müesse uf Vollgas stelle) und mier hend das im
Wohnzimmer au mal agworfe und debii TopGun gugget. De Film
isch luut timetable am TV 2h lang gsi, naja, mit Wärbig
ischer 2h lang gsi, defür hends unwichtige Szene eifach
usegschnitte. Also mier chönd ja mit de Wärbig bi üs nu
z'fride sii, hie hesch pro Halbschtund ca. 2-3
Wärbeunderbrächige. Aber luege hemmerne gliich müesse, und
de Bob hed nu Popcorn i de Mikrowällä gmacht. Ich bi de am
10i is Bett chli gu pfuuse ;-)
21.11.2004: Hüt bini so gäg Di 9i ufgschtandä, ha chli
Email gschribe, bi gu düschele und mich gu rasiere. Denn
bini mal abe und ha mit em Danny i de Chuchi chli gwärchet
(de Bob isch erscht am Morge am 5i heicho, drum heds kei
Zmorge gäh). De Paco isch gäg di 10ni au mal immer nu
betrunke inetrohled und hed grad de Chüelschrank afe
plündere. Ich bi de mit em Danny gu sis Computerproblem
löse (är und de Paco hend vor Wuche mal äs Kabel vo mim
Zimmer i Chäller abe verleid, damit är au s'Netzwärch dunne
hed). Ich ha de nu chli müesse Stromerele, aber etz känni
a) mal die amerikanische Schwachstromkabel b) die super
Netzwärchdose us taiwanesischer Produktion und c) au ihres
System vo ganz und gar de VS83-Technik gliicht. Also alles
in allem interessant, aber chli fummelig gsi zum wärchä ;-)
Wo de das gloffe isch, hanem nu de Konfabulator installiert
(das isch äs Programm wo cha vili chlini Progrämmli
verwalte z.B. en Wätterazeig oder so). Denn hemmer nu chli
gredt und denn hed är mich nach Downtown gfahre, damit ich
a d'Parade ha chönne gah. Ufem Wäg hed är mier dette ane nu
sini Community zeigt, das heisst mier sind dur
"d'Gaystreet" gfahre. D'Santa Claus Parade isch cool gsi.
Ich bi grad anere Chrüzig gschtande und ha vo dette das
ganze Gscheh chönne aluege, das heisst ich bi i de ca. 5
Reihe gschtande und das isch sones Gschtunng gsi, me hät
nid chönne umghie. Mit Fötele isch leider nid sovil gsi,
wills überall roti Ballön vor de Linse gha hed und mer
unmöglich hed chönne d'Händ zu de Hosesäck usenäh ohni die
ganz Reihe umzrüere ;-) Ich halt defür alles chönne gugge
;-) Also da heds vil Wärbig gha wo dure gfahre isch (Pizza
Hut, McDonalds etc.), denn d'Polizii mit Ross und alte
Autos, d'Samariter mit eme ganz alte Chrankeauto (en Chevy)
mit de aaaaaalte Sirene
(wiuuuuuuuuuuuuuuuuuuuuuuuuuuuuuu-wiuuuuuuuuuuuuuuuuuuuuuuuuuu),
vili Wäge mit irrsinnige Konstruktione wie en fahrende Hund
(eifach ca. 6m höch), äs Cinderella-Schloss, äs
Meloneschiffli, vil Schuelbands, 150 - 200 Chöpfige
Brassbands, Kadettemarschmusige mit 100 -150 Nase und ganz
am Schluss de Santa Claus uf sim "Wägäli". Isch richtig
härzig gsi zum gugge. de Umzug isch ca. 2.5h Schtund lang
gsi, das heisst vom erschte Wäge wo bi mier duregfahre isch
bis zum Chlaus. Schätzigswiis 500'000 Lüüt sind i de Stadt
gsi und hend die 5km lang Umzugsroute gsüümt. Woni heizue
bi, bini am Eaton Center verbii gloffe und was ghörid mini
müede Ohrä: Äs Füürwehrauto
*Wieeeeeuuuuuuu-mööötmöööt-Wieeeeuuuuu*. Schnell au das
Ding nu i mini Digitalkamera inegsuuget. Ich ha mich de mal
i d'U-Bahn inequätscht, so näb die hundert Schesewäge ane
und z'mitzt i die brüehlende und quängelnde Chind ine. Das
hed wider Närvä für s'ganze Jahr brucht *ggg*. De bini de
mal deheime gsi und ha de Rescht vom Greek Salad gässä und
chli Färnseh gugget. De hed de Bob (jaja, är isch
uferschtandä) Znacht kochet (Roastbeef mit Gumelschtungis,
Rüebli, Squish (kei Ahnig was das isch: isch sone orange
Brii gsi und s'Gmües bevors koched gsi isch hed wiene
Chürbis usgshe) und bruni Sossä. Isch lecker gsi. Mier sind
de alli chli vore Färnseh ghanget und hend de Doktor Kimble
(weisch der wo unschuldig isch und verfolgt wird) gugget
und denn bini nu gli einisch is Bettli.
22.11.2004: Am Morge wie immer i d'Schuel, top motiviert,
aber nur bis zum Tescht. De Sauhund hani voll verhangä und
nur 72.7% Richtigi gha, das heisst bim Lotto wäri etz
sicher nid de Millionär ;-). Denn hemmer chli Unterricht
gha und denn isch irgendwenn Mittag gsi und de hani mis
Sandwich gfötelet ;-) De Namitag isch au mal duregangä und
denn isch schu Fiirabig gsi. Ich bi de nu chli
umegwatschlet und ine Dollarstore gangä gu Batterie
pöschtele (jaja, mit de Ziit kännt mer alli Tricks, vier
Panasonic-Batterie für $1). Ich bi de z'Fuess i
d'Union-Station gloffe (das isch de Hauptbahnhof vo
Toronto) und dette mal i Harvey's (das isch en Mäc-artigi
Frässbude, nur chamer dette sin Hamburger la zämestelle und
s'Fleisch chund frisch abem Grill). Ufem Wäg dette ane hani
gmerkt dass s'Wätter umschlahd, will d'Penner mit ihrne
Wohnige (Kartonschachtle) oder ihrne Campingwäge
(Iichaufswägeli) i warmi Plätzli züglet hend. Mier hend
dette de am 5:15 abgmacht für d'Besichtigung vom CN Tower.
Mier sind sächs Fraue und drüü Böck gsi. Am halbi Sächsi
sind d'Toronto Argonauts (das isch s'Football-Team vo
Toronto) grad mit em Zug acho. Die hend am Sunntig de Grey
Cup gwunne und dementsprächend heds vilvil Lüüt gha. Mier
hend de chli zugluegt und plötzli sind Reporter cho und
sone Dödel hed mich müesse interviewe (also richtig mit
Kamera und Reporter). Är hed welle wüsse wohär dass ich
sig, was ich zum Grey Cup Gwünn meine, öb mier Football i
dä Schwiiz kännid usw. Etz bini schiinbar geschter im
Färnseh gsi *ichbineinStar-holtmichhierraus* Ja, so schnell
chas gah und mer isch für 30s berüehmt ;-) Nach dem Schreck
simmer de übere SkyWalk (das isch en ca. 600m langi
Passarelle zum CN Tower gloffe. Mier sind de mal i
Sicherheitsbereich ine und hend en Luftschlüüse müesse
passiere (voll chrank, schiinbar chönnt ja eine gu
Pocke-Vire über d'Stadt gu speuze). Denn simmer mit em Lift
innerhalb vu 52s uf rund 400m ufekarred worde. Isch schu nu
sensationell wievil Liechtli die Stadt hed. Dette hemmer de
chli de Glasbode gnosse: Das isch en Bodebereich wo us
Panzerglas beschtahd und wemer druffe stahd chamer abegugge
bis ufe Bode. Bruucht schu nu chli Muet, aber das isch ja
fürne alte Fallschirmhaas keis Problem. De einti Bock isch
en Araber-Fuzzi gsi und de Schisshaas hed schier nid truued
druffe z'schtah. Woner de äntli druffe gsi isch, bini
hinderne anegschliche und ha schnell mal Kriss-Kross
gschpillt: "A migge-de-migge-de-jump-jump" (das heisst ich
bi ufem Bode mal schnell gu äs paar Hüpferli machä). Ich ha
nu nie en Araber so schnell gseh seckle (mol, aber denn
hends aligs Bombe ume Buuch bunde *ggg*). Aber denn hani
Ärger mit de Security becho, die hend mich doch tatsächlich
welle entsorge ;-) Ich ha denn en dezänte Hiwiis uf die
grossmundige Versprächige gmacht wo besägid dass bis zu 14
Hippos gliichziitig ufeme Quadratmeter chönd schtah ohni
dass de Bode bricht. Die eint Schwiizer Tussi (nid
d'Chuureri) isch us Amriswil und ja sones richtigs Landei
hed mich au nu müesse afiele. Dere hani de schnell mal uf
guet Büüredüütsch säge dass sie mich chöng gäre i minere
Schprächschtund chöng gu bsueche, etz sigi da für zum
Photeli mache und nid für Diskussione mit Thurgauer
Öpfelbuure z'füehre. Dami, schu wider eini weniger woni
mues befridige *ggggggggggg*. Ich bi de chli use und ha
Phöteli gmacht wiene Wilde und chli mit de Simona (de Miss
Chur) gredt. Mier sind de nacher mal gli abegfahre und
während em abefahra hani nu en Film vu de Liftfahrt gmacht,
das heisst meh hed us de Kabine gseh und das hani gfilmet.
Nachdem mier denn dunne gsi sind bini de mal müed heigangä
(jaja, sovil Ufregig und Chifle macht müed). Woni derheime
gsi bi hani vom Bob nu Chicken Nuggets und Pommes Frites
becho. Nach chli Swan und Fear Factor, vil Redä und de
Föteli nu ufs Web gu tue, bini de au gäg die 12i is Bettli.
De Bob hed mier nu mini Wösch gmacht und mis Bettli frisch
aazogä. Etz hani sones flauschigs Bettli, so richtig zum
inechrüüche ;-)
23.11.2004: Hüt am Morge bini chli schpat underwägs gsi und
ha de us luuter Fuulheit de Bus gnu. D'Schuel isch wie
immer chli Ereignislos gsi. Ich ha nu en Russin känneglehrt
(also nid sone Russin wie ier meinid, sone Russin wiemer im
Militär meint). Sie isch kei Schönheit und sie chund us
Gänf aber meh cha nu guet Witzli mache uf Änglisch mitere
(de Markus wo mit mier i de gliiche Klass isch, isch mit
ihre vorhär i dä Beginner 2 gsi). Nach de Schuel bini de
ufem diräktischte Wäg hei um mini Huusufgabe z'machä .
24.11.2004: Hüt isch nid guet gsi mit mier, ha die ganz
Nacht ufem Klo campiert und mal die sanitärische
Installatione ganz nöch uf de Chnüü chönne inspiziere ;-)
Ha glaubi d'Grippe verwütscht (oder au SARS, me weiss ja
nie bi dene huufe Asiate *ggg*) Ha de wohl oder übel uf
d'Schuel verzichtet ;-) Leider hani au müesse ufe NBA-Match
Toronto Raptors vs- New York Knicks verzichte :-(
25.11.2004: Immer nu derheime und nüd mit Schuel, aber ich
hoffe dasi morn mal wider daf i d'Schuel sitze und mini
Viire witerverteile ;-)
26.11.2004: Dami, da isch au nu chalt (ca. -2°C, aber plus
Wind) und äs Hüüchli Schnee heds. Bi hüt schön i d'Schuel
kroche und ha doch prompt nu müesse de Tescht schriibe.
Sone gagge, bi ja zwei Täg vom Unterricht gar nid ume gsi
:-( Janu, im Tescht hani nume lausigi 49% anebrunge und das
zellt ja schu mal wider voll für d'Abschlussnote. Ja was
sölls, die chönd mier eh am Sack hangä wenns nidemal
berücksichtigid dases mier gar nid möglich gsi isch de
Plunder z'lehre. Scheiss uf die Schuel, ehrlich!! Nach de
Pause hemmer nu lustige Schnitzeljagd rund um Toronto
gmacht. Das heisst, immer sind zwei und zwei zämä äs Team
gsi und hend ufgrund vunere vorgähnige Wägbeschriibig
müesse de Wäg gfinde und Antworte sueche. Ich ha sone
chrummfüessige, lesbischi Chinesin als "Partneri" gha, mier
hend mal alli vu dene 45 Frage richtig beantwortet, sind
aber dank üsere super Durchschnittsgschwindigkeit nume
zweitletscht worde. Ha de us Trotz grad keis
"Candy"-Schtängäli welle (und weni au nu eis hätt welle,
hätt ja eh nüd chönne ässä wills mier speiübel gsi isch).
So isch en absolut ufbuuende und interessante Schueltag
z'Änd gangä. Die nüü Wuche cha ja nur besser wärdä... Nach
de Schuel bini nu i Greyhound-Terminal gu luege wenn dasen
Bus a d'Niagara Falls fahrt, da ja wahrschindli de ganz
Usfluug vu de Schuel ufgrund von zwenig Amäldige abgseid
wird. Nach dem Guggi-Guggi mache bini nu is Eaton-Center gu
äs paar CD-R zum bräusle gu poschte (Datesicherig vu mine
Phöteli). Isch grad Reschtposchteverschlüüderig gsi, das
heisst ich ha 10 CD-R's und äs 32-fach Etui für anstatt $24
für $11 becho. De Typ a de Kasse hedsd mer schu nid möge
gönne, will wenn im rächte Augeblick a d'Kasse anebisch,
hesch numeh Rabatt becho (so wie en Aktiemärcht). De
Figger, de hani schön glingget :-) Ha de ufem Nachhauseweg
nu Pepsi füre Bob pöschtelet, de arm Siech isch geschter
glaubi nid 20min im Bett gläge, de hani öppert ghört seckle
und i de Schissi näbezue würge und würge (oder besser gseid
de Chräihe rüefe), und etz hed är s'gliich wie ich. Är isch
aber hüt gliich gu schaffä ;-) Leider isch är nid so
zielsicher gsi oder a sinere Uelrich-Technik mueser nu chli
fiele, denn är hed s'ganze Bad gsägnet (jede Teppich und
d'Wänd müemmer glaubi au nu frisch schtriiche *ggg*).
27.11.2004: Hüt bini de ganz Tag zwüschet de Schtube und em
Zimmer chli hin und här pändlät. I de Schtube hani mit em
Bob und sim Kolleg aligs DVD gugget und im Zimmer hani
Details über Vancouver usegsuecht. Gäg di 4i bini de au
langsam zum Huus us, will denn heds ghört gha mit schiffe
und ich ha mich ufe Wäg nach Downtown gmacht. Bi de bis a
Afang vu de Yongestreet ghfare, ha dette nacheme Bankomat
Usschau ghalte und chli d'Lüüt agugget. Denn isch doch mal
schu wider d'Füürwehr duregheizt, dasmal mit eme
Leiterewage und zwei TLF's. Hed nu schier en Crash gäh uf
de Chrüzig. Denn bini die ganz Yongestreet abbegloffe und i
diversi Shops inegschtochä. Woni denn im Eaton Center gsi
bi, bini chli umegschliche und da und dettä vili Sachä
agugget. Ich bi de i BurgerKing gu mis Mägeli mit eme
Doppelwhopper befridige und denn bini as Calvacades
Festival of Light gloffe. Das isch eigentlich en Showabig
wo als Höhepunkt mit eme Füürwärch und em erschtmalige
azüünde vom offizielle Wiehnachtsbaum ändet. Ich hoffe
d'Bildli sigid guet worde. Hed ganz gueti Sache dette gha:
En 14-Jährigi Sängeri us B.C., Nigga's mit a Capella,
Chorknaben, Artischte etc. Isch nu guet gsi zum gugge, nur
leider heds wider 1000 Lüüt gha und vil z'vil Goofe (ha
lieber Vögel, die chamer iisperrä). Ich bi de nacher mal nu
chli dur d'Stadt gschriehlet und denn mal heigangä. Ha de
nu äs T-Bone-Steak gfrässlät (hed de Bob äxtra voriggla)
und nu chli "Lord of the Rings: Return of the King" gugget
und bi de nu gu d'Photäli bearbeite und denn is Bettli
ghuscht.
28.11.2004: Am Namitag bini nu chli umetrohled, ha nu chli
Movie gugget und bi de mit em Danny nu zu sinere Kollegin
de Joyce gangä. Sie isch au derbii gsi wo är mich am
Airport abgholt hed. Mier hend dette nu eis, zwei Bierli
gha und sind de ufem Heiwäg nu ine Drugmart gu pöschtele
und nu i KFC gu Znacht poschte. Deheime hemmer de nu chli
Lara Croft gugget und de bini de mal is Bettli.
29.11.2004: Hüt am Morge bini mit em Bob zum Huus use (de
Paco hed mal wider nid i d'Schuel wellä) und de simmer zämä
Bus und U-Bahn gfahre, bisi de bi de Schuel gsi bi. De Bob
isch de wiiter bis zu sim Arbetsplätzli. I de Schuel isches
au so gsi, d'Sabrina üsi Morgeteacheri chönnti mängisch
kille. Das isch au eini woni sicher nie mues befridige
*ggg*. Am Mittag hani chli mit üsne Schwiizer uf Änglisch
parliert und am Namitag hemmer mit de Marjorie müesse
verschidni Gruppearbete machä und am Schluss hemmer en Folg
vu "Friends" chönne luege. Nach de Schuel bini mini
Poschtcharte gu frankiere und denn hanis grad nu abeglah.
Dami, $1.40 für ei gschissni Poschtcharte zum i d'Schwiiz
schicke. Im Vergliich zu de Schwiiz wenig wemer bedänkt was
afigs en A-Poscht choschtet, aber hie extrem tüür, will hie
chasch en Brief innerhalb vu zwei Tag quer dur Kanada la
wägälä für nume $0.50, WAHNSINN! Nacher bini hei mit de
vollgschtopfte U-Bahn und em nu vollnigere Bus. Lektion 1
für heute: Steige beim Bus immer vorne ein und laufe dann
nach hinten und warte vor dem hinteren Ausgang, sonst
fährst Du eine Station zu weit, weil es nahezu aussichtslos
ist rechtzeitig aufzustehen und die stämmigen Mütter aus
dem Weg zu hieven!!
30.11.2004: Ich ha hüt chli gar unluschtigi Schuel gha und
bi chli obset gsi about de Schuel. Irgendwie mags mier
eifach nid abe, dass mier zwar äs Buech hend, aber das
Buech eigentlich nur für Huusufgabe (teilwiis) bruuchid. De
meischti Seich machemer uf windige Blätter. Hami schu chli
müesse hindersinne, dasmer für tüürs Gäld äs Buech chauft
und denn nid emal mit dem schaffed. Au gömmer nid nachem
Buech, das heisst ich chönnt nid emal min Stoff nacheholä,
immer gumpemer füre und hindere und eis durenand. Aber der
Bescht isch ja hüt gsi, dass mini Gruppe mal wider die
Bescht gsi isch und dass das de Morgelehreri ganz und gar
nid abe hed möge ;-) Die chamer öppe am Sack hangä. Aber de
Oberhammer isch gsi: Mier hend gschlagnigi 1 1/2h lang
Origami gfaltet. Ha gmeint ich bi im falsche Film... Aber
was sölls, ich finde mich dermit ab, dass sie mini Liebi
nid tued erwidere ;-) Bi de nach de Schuel nu chli dette
blibe und ha mit mine Schuelgschpänli chli gredt und 1h
Huusufgabe gmacht. Was sölls, Arbetstherapie.... Am 5i bini
de nu chli gu Phöteli machä und denn bini is Kino mit de
Simona und de hmmm...wie heisst die au schu wider...Anita.
Also Kino chasch dem Ding nid grad sägä, das isch ender ä
Palascht, so gross isch das Ding. Mier hend National
Treasure mit em Nicolas Cage gugget. Isch grad chli geil
gsi, für nur $10, ohni Pause und Dolby Surround.
01.12.2004: Hüt hani wie immer Schuel gha *gäääähn*. Isch
chli Ereignislos gsi, mal abgseh vumene guete Zwüschefall
;-) Hüt hemmer au usnahmswiis nid Origami gfaltet, aber
suschtigi Lückefüller duregäh. Am Namitag hemmer en
Gruppearbet gha über Auto und deren Bestandteile in
Englisch. Naja, de hemmer au drüü Gruppe gmacht und jedere
Gruppe isch mal wider en Platz zuegwise worde. Ich also
ufgschtandä und üsi Bescht wo hemmer, die ver**********
hue**** 18-Jährig Schlampe vu Mexiko hed doch gmeint sie
müess de Arsch nid lüpfe (oh, die gahd mier sooooooooo ufe
Sack, das übertrifft sogar schier de Mösel). Ich ganz cool:
"Sorry, move you away!" Sie ganz cool: "Arschloch!" Man
beachte hier die Wortwahl auf Deutsch, denn es war Deutsch.
Ich nu cooler: "Fuck off, PUTA!!!" (Man beachte meine
Wortwahl, der Situation ebenso angemessen und den
bisherigen Erkenntnissen in der Homestay-Familie folgend
*ggg*). Yesssssssssss, au wider eini weniger woni mues
befridige *ggg*. Etz muesi glaubi mal irgendwenn schtärbä,
under dene liebenswürdige Blick wo sie mier schänkt im
Momänt würd glaubi sogar en chärngsunde Sportler absärblä
;-) Ha hüt fascht nu chönne äs Billet für s'Musical Mamma
Mia (das vu de ABBA) uftriibe, doch woni mit em Verchäufer
zu üsere Verastaltigstussi vo de Schuel bi (jaja, jedi
Aktivität mues so koordiniert wärdä), hed doch die das Ding
schu ame andere Schtudänt verchauft gha, ohni mi Verchäufer
z'fragä. Naja, de bini halt nach de Schuel chli i Tim
Hortons (ja, i Tim Hortons) gangä, gune Vanilla-Cappucino
und en "Snowflake-Donut" ässä. Leider hani etz chli Ameisi
i de Schnorre, hamer doch die halb Zunge guet durekoched am
erschte Schluck Cappucino. Nächscht mal nimi en
"iced-cappucino" ;-) Nacher bini chli hei, ha doch mal
wider welle das Feeling vu de vollnige Subway gniesse (oh,
ich liebe Körperkontakt). Ha de nu äs chlises Experimänt
gschtartet im völlig überfüllte Zug *hihi* (oh mängisch
lieb ichs, dasi sone richtigi Sau cha sii): Ha doch nu en
verdammte Furz müesse la fahra *harrharr* und nacher mis
Sunntigsgsicht ufsetzä. Ha leider müesse fürzle, suscht
hätts mich sicher verjagt vor luuter Blähige *ggg*, und das
wär wahrschindli Morn i de Zitig gschtandä. Vilicht schtad
mis Fürzli morn au i de Zytig: "El-Kaida strikes back:
Bionical weapons in subway-train of TTC". Uf alli Fäll sind
d'Schiibe nid agloffe vum Wage...
02.12.2004: Hüt isch mal wide rnid sovil los gsi i de
Schuel. Langwiiiiiilig ohni Ändi. Aber was sölls, nu morn
am Morge und am Mändig fönd ja schu d'Prüfige a ;-) Morn am
Morge hemmer au numal en Tescht (jaja, das isch immer wemer
nid tüend baschtle oder suschtigi Lückefüller durefüehre)
und denn isch Weekend. Das wichtigschte Chürzel woni da
glehrt ha: TGIF (Thank God It's Friday). D'Mexikanertussi
isch hüt au mal wider cho, hüz heds mich sogar mal i die
gliich Gruppe breicht ;-) Aber kei Sorge, die Uftragskiller
wo die cha uftriibe chönd höchschtens mit Wattebälleli
rüehre ;-) Hüt hani nu en luschtigi Entdeckig gmacht i de
U-Bahn, also während dem ich so ufe Zug gwartet ha. Plötzli
gumpet en Schatte zwüschet de Gleis ume. Ha de chli gnäuer
gugget und was gsehni: Alles voller schwarzer Müüs. Geil
nid? Ich bi de mit de U-Bahn hei (jaja, die hend Laufrädli
für d'Müüs unnedrah) und ha doch voll nu mini Station
verpasst, so bini in Gedanke versunke gsi. Bi de a de
nächschte use und mal uf guet Glück Richtig Norde gloffe.
Bi de tatsächlich ane Strass anecho woni gwüüst ha dass die
i minere Nöchi mues sii. Bi de scharf abboge und chli
gloffe et voilà: Mein Häuschen. Isch au mal guet amene
andere Ort durezlaufe ;-)
03.12.2004: Hüt isch de Schueltag schnell dure, isch ja nur
en halbe Tag gsi. Mier hend nu de üblich Wuchetescht gha
und dette hani doch erfreulicherwiis 83% erreicht, hihi.
Nacher hemmer chli Pancakes gmacht, üsi Gruppe isch mal
wider die Bescht gsi *yesssss*. Nacher hani i de Schuel
gfrässlät und bi de uf d'Toronto Islands gu Phöteli machä.
S'Wätter isch perfekt gsi, nur leider ca. -3°C und Sturm.
Also, warm hani nid grad gha, defür heds au kei einzige
Tourischt gha. Herrlich säge ich dier, obwohl Du
wahrschindli kei Freud a minere Exkursion gha hätsch: ca.
6km walking by foot. Bi de nu chli z'früeh gsi am andere
Ändi vu dere Insle und ha dette wägem Winterfahrplan ca. 2h
i de Chälti müesse warte *bibber*. Ha aber d'Chappä und de
dick Manter derbi gha.
04.12.2004: Also, hüt am Morge so gäg die 9.45 frisch und
fröhlich im Bus-Terminal iigfahre. De hed mich doch en
Penner aglabberet. Will ich hüt min soziale Tag gha ha,
hanem au zueglost und ihm nacher nu chli Kohle i d'Finger
drückt. Vilicht hani mies guete Wärch doch wirkli nu hüt
gmacht, wer weiss ;-) Also, denn mal ine und dette d'Simona
und ihre Kolleg, de Nico (är isch füre Firma hie in Toronto
uf Revision) troffe und denn mal Billet glöst. $30 fürne
Reis imene 1a-Luxuscar über 300km isch nid schlächt oder?
Mier sind de pünktlich am 10.15 Richtig Niagara Falls mit
eme CC (Canada Coach) gschtartet. Mier hend en schwarzi
Tante am Schtüür gha, ber die hed au nu Stoff gäh mik dem
Car. D'Reis isch am Lake Ontario entlang gängä und me hed
vili Sachä gseh: Schiff, SkyWays (das sind Schiffbrügge,
das heisst d'Autobahn gahd als Brügg uf über 80m ufe und
denn wider abe, isch nu geil wenns stüürmed wie die Sau).
Mier sind de nach ca. 1.5h in Niagara acho. Also s'Dorf
ishc nid wirkli berauschend, heruntergekommen wiene
italienische Hinderhof und absolut toti Hose. Mier sind de
z'Fuess ca. 5km in Richtig vu de Falls gloffe. Also ich
mues schu sägä, ich hamer meh erwartet vu de Falls. Also
wenn uf Nüühuse a Ryyfall gasch hesch genau au das Feeling
;-) Mier sind de wie richtigi Tourischte alles gu aguuge.
D'Schiffli sind leider nid gfahre, isch ja Winter. Aber so
wie alles igrichtet isch, mueses im Summer äs verdammts
Volk ha ;-) Mier sind de für $10 ufe Skylon Tower gfahre
(d'Lift hend usgseh wie chlini, gälbi U-Böötli) und sind de
dettä ufs Observatorium Deck. Dami, chum dusse bisch am
Ranzä glägä: De Wind hed soooooo chäch blasä, äs hed Dich
grad umtischet. Mit Müeh und Not hani die geile Phöteli
chönne machä, under Körperiisatz und vilem Flueche und
verfrohrnige Finger. Ziitewiis hesch müesse hindersi ligge
dass eim nid voruse gschlagä hed. Ach ja, s'Wätter:
Stürmisch, minus 3° und rägnerisch. Denn simmer de wider
abekärälet und is Casino gu ufwärmä. Isch nu cool, aber
weni is Casino wott, gahni uf Vegas. Das isch äbe in Canada
so, dassmer wie i de Schwiiz nur a beschtimmte Plätz daf
zocke. Mier sind de chli umegschuenet und hend dank de
Wintersaison nu müesse en Abchürzig dure Wald näh. Gwüssnig
hend ihrem Ruef als Schteiböck nid nache möge ;-) De Adi
hed nu äs Bäumli müesse umtue,d as Ding isch im Wäg gsi
woni s'Loch ab bi ;-) Aber äbe, "save the environment"
heisst aligs so schön uf de Plakat, aber das isch mier
eigentlich glich gsi ;-) Was söli Sorg ha zu dem Bäumli
wenn de ander näbezue mit eme V8 umechesslet? Besser das
Bäumli hend en schnelle und schmärzlose Tod gha ;-) Mier
sind de nu chli gu uftaue ines Reschtaurant und hend müesse
gmerke dases die Type vu de Läbige nänd. Ich ha de i minere
Verzwiflig nu eine uf müehsame Tourischt gmacht und das
Souvenierbächerli müesse ha (man beachte dass es nicht
Saison ist). Die hend das Ding glaubi z'erscht müesse gu
jagä und abstaube ;-) Aber ich ha etz en
Original-Kitschi-Bächer vu de Niagara Falls. Denn hemmer
chli uf d'Dunkelheit gwartet und sind de ane guete Platz
anegschtande für d'Liechtshow. Das Showdingsbums hed de
tatsächlich schtattgfunde, obwohl s'gseicht und gschtürmet
hed wie d'Sau. Aber en rächte Tourischt harrt us, hehe. Die
tüend d'Bridal Veil Fall mit 50kW-Schiinwärfer aschtrahlä
und debii chli alli Minute d'Farb wächselä. Mier hend de
chli gluegt und sind de langsam die 5km wider füregloffe
(man beachte auch hier, da Wintersaison, kein Shuttlebus).
Vore simmer so schön füecht gsi und prompt isch de Car schu
parad gsi. Ineghüft und denn richtig Toronto hei kesslet.
Die andere zwei sind de gu z'Nacht ässä und ich bi ine
Wendy's ine ghöcklet und ha en Triple-Burger (dami, ha nu
nie sovil Fleisch imene Burger gha) und äs Bächerli Chili
gfrässlät.
05.12.2004: Also, ich bi hüt mal wider mit em Bus und de
U-Bahn underwägs gsi. Dami, a de Bushalteschtell gwartet,
gäll, und de plötzli chund de Bus z'schiesse und voll uf
d'Iise. Ich igschtige und am Pakischtani-Fahrer mi Token
gäh. De Siech voll Bodebläch-aschlaag ab. Hoja, volls Rohr
dur die huere Schtrass ab und a allne Lüüt verbii gsauet.
Non-Stop bis zur Subway. Die Lüüt im Bus und au verusse
hend grad chli blöd gluegt. Bi nu nie so schnell i de
Subway gsi ;-) Normalerwiis fahrid so Type aligs nur so
schnell wenns en Bombegürtel ume Buuch ume hend *ggg*
Nacher bini denn chli langsamer mit de U-Bahn is Yorkdale
Center (ca. 35min). Dette heds au en Flatz Lüüt gha, aber
easy, en ächte Tourischt kännt kei Schmärz. Bi de chli
umegschtüüret und ha doch tatsächlich en Lade gfunde wo
TML-Jersey-Shirts verchauft. Ha de chli mit em Verchäufer
brichtet und denn hed är mich gfragt woher ich chäm, ich
heig en Akzänt. Ach so, Switzerland, füre Swiss Guy miecher
en guete Priis. Ich natürli nid fuul und ha grad zwei
Original-Jerseys in Blanko vu de TML kauft. De bini nu i
RadioShack gune USB-Stick chaufe (frag mal sone Typ uf
Änglisch was Du eigentlich wetsch *hehe*) und äs paar lääri
CD zum Datesicherig machä. Denn bini nu chli dur verschidni
Läde gschtüüret und ha überall mit mim USB-Stick für
Ufregig gsorgt: Das Ding hend nu en Antidiebstahl-Chip
dinne wo i gwüssne Läde de Alarm usglöst hed. Heiei, ha nu
nie sovil Lüüt känneglehrt (mängisch bini grad äxtra ine
wenn sone unsympatische Verchäufer dette vil z'tue gha hed
*ichliebeeseinSchweinekerlzusein*). Nacher bini nu de Bob a
sim Arbetsplatz gu bsueche und ha dette nu gratis äs
Triangle (äs Blätterteiggebäck in Drüüeggform mit
Zuckerstreife drüber) und en Mango-Passion-Ananas-Saft
becho. Nacher bini mit de U-Bahn is Eaton Center gfahre und
ha dette nu chli d'Läde unsicher gmacht und mier nu en
TML-Huet pöschtelet (scheiss uf die huere Chöle) und bi äbe
nu schnell i Sport Scheck gu gugge und ha dette äs
Original-Raptors-Jersey kauft. Denn bini heizue mit de
U-Bahn. Deheime hani d'Hundeli ghirtet, de Paco ghirtet,
mini Wösch gmacht und am Paco mal d'Maschine erklärt.
06.12.2004: Jaja, hüt isch en bsundere Tag gsi. Am Morge
bini früeh uf und bi i d'Chuchi: Kei Bob ume. So hani halt
säber Zmorge gmacht und Sandwich füre Paco und für mich.
Sogar de Toaschter hani chönne bediene und d'Kafimaschine
hed au schwarzi Sosse useglah. De Bob isch de aumal cho und
de seid är: "Oh, it's snowing outside!" Läck Du mier, das
hed grad chli abeglah. Innerhalb vunere halbe Schtund isch
alles wiis gsi und ca. 5cm höch. Ich bi de ufe Wäg i
d'Schuel und ha welle de Bus näh. Aber woni de gseh ha dass
d'Auto und de Bus uhuere Müeh hend zum ahalte (geschweige
denn zum abbiege und abfahre) hani dänkt: Save your life,
walk on foot. Ohoh, grosser Fehler: Das isch nu vil
gfährlicher gsi. Die Auto hie hend Slicks oder Summerpneu,
aber sicher kei Wintergümmi. Isch schu nu luschtig gsi mal
sone V8-Pickup mal quer über 4 Spure ine ufs Troittoir
zuezhalte z'gseh, aber äs isch weniger luschtig gsi wenns
das Trottoir gsi isch woni druffe gloffe bi. De Schnee uf
de Strass isch wiis abegfahre gsi und drundert isch
wunderbar gfohre gsi. De Bus hed aligs au de Randschtei als
Begränzig gnu und isch eifach zwei Schtrasse wiitervohre uf
d'Chlötz und denn am Randschtei nache gschliffe bises mal
aghalte hed mit em. Gwüssnig Ladebsitzer hend de Streusalz
vor de Lädä verteilt, aber das Streusalz isch kei Salz,
ender Salzchugle (jaja, grössers Land, grösseri Möckä).
D'U-Bahn isch de vollgschtopft gsi, will vil Unfäll gsi
sind und darum vil Lüüt mit de Subway gangä sind. I de
Schuel bini de au z'schpat cho aber anyway, lives goes on.
Am Namitag hemmer schu die erschte Prüfige gha, listening
comprehension and reading. Z'erscht hesch müesse Frage
zumen Text ab Tonband beantworte und denn hesch en
Ziitigsartikel gha wo verschidnigi Sachä gfragt worde sind.
Mich heds nu easy dunkt, denn mit verschtah hani eh kei
Müeh, ender mit der Supergrammatik. Bi de nach de Schuel
hei und ha nu döffe Schneeschuufle. Äs Gsetz schriibt jedem
Hüslibsitzer vor, daser si Huuswäg plus je 6 feet nach
lings und nacht rächts de Sidewalk mues schneefrii halte.
wenn nu en Iifahrt zum Huus ghört, denn isch die abefalls
schneefrii zmachä. Ich ha de das undankbare Ämtli übernuh
und ha de abbetrampeti Schnee abbekratzet (jaja,
Betonplatte wo nid Bündig verleid sind chönd de Tod sii).
So nachere Schtund bini de au fertig gsi ;-) Nacher hemmer
nu de Chrischtbaum belüüchteret und chli köcheled.
07.12.2004: Ich bi hüt mal wider i d'Schuel gangä (wie
chönnts au andersch sii) und ha mit de widrige
Wätterverhältnis müesse kämpfä: Dami isch au nu gfohre gsi
und ufem Troittoir isches käs laufe gsi. Aber easy, äs hed
de pünktlich am Mittag afe abbelährä und zwar wie wenn eine
de Hahne uftah hätt. Am 5i isch de mal wider fertig gsi mit
rägnä, defür heds voll afe chuute. Will morn Güselsammlig
isch, heds natürli relativ vil Sache wo eim ufem Heiwäg
chönt entgäge cho, ha hüt zum Biispil meh als ei flüügende
Güselsack oder en alti Pfanne gseh über d'Strass
dureschliffe ;-) D'Schuel isch chli eintönig gsi, aber
d'Swiss Connection hed für vil Spass gsorgt ;-) Etz gahds
nu ei richtige Schueltag, denn hemmer mündlich und
schriftlich Grammatik-Prüfig und am Fritig nur nu
Graduation. Hüt hani d'Resultat vom Listening- und vom
Reading-Tescht zruggbecho: I beidne 100%, ich bi doch ein
GENIE! (Naja, wemmer ja mal nid grad übertriibe, gäll
Adäli!)
08.12.2004: Apropos sicher, i de Samschtignacht hends öppe
drüühundert Meter vo üsem Huus wäg voreme Ladä ä 17-Jährige
mit eme Baseballschleger z'Tod gschlagä und geschter Nacht
hends mit ere 9mm während eme Ladeüberfall ufe Drugmarket
näb de U-Bahnstation äs Loch i d'Schiibe inegschtanzt. Aber
easy, so Sache passierid nunmal inere Grossstadt, wägem dem
gahni glich aligs nu am Abig use. D'Schuel isch mal wider
boring gsi bis zum üsserschte, aber was sölls nu ei
Schueltag und denn isch s'Läbe wider vor de Huustüre ;-) Am
Mittag bini i Pizzahut gu schpachtlä. Ha grad en
Medium-Pizza hinderdrückt und das mit eme Cheesirand,
jepaaaaaaaa. Oh, ich bi schu en verdammti Frässmaschine
*grins* Ha doch hüt mal min spländable Tag und ha jedem
Penner vu de Schuel bis i Swarovski-Shop en Quarter (25
Cent) is Bächerli grüehrt. Bini nid en weichhärzige
Bürschtel?
09.12.2004: Hüt isch grosse Prüfigstag gsi mit
Grammatiktescht und Mündlich Tescht. Jaja,äs hed au
schtattgfunde, morn chunds us öbs guet gsi isch oder nid
;-) Wenn nid isch au glich, ha ja Ferie abem Samschtig ;-)
10.12.2004: Ausblick: Abschlussfeier, Packen und Aufräumen
11.12.2004: Ausblick: Adios Toronto!