Ja heieiei, da isch wirklich nüd Nüüs uf de Siite...warum wohl? Ich bit sit ca. 1 Jahr flissig mit äs paar Gliichgsinnte dra d’Schwiizer Scalerszene mit unkonventionelle Ideeä uf z’mische. Lueg doch mal uf www.srcac.ch ine...

Tags: Webseite

Ja, ich gibes ja zue: Sit em Mai bini nid so flissig gsi mit de Websiite - aber das änderet sich etz de wieder. Ich wirde mier Müeh gäh und d’Siite wieder aktuell b’haltä - schliesslich isch mis Läbä ja nid stah blibe

Tags: Webseite

Sodele, etz hani au wieder mal chli a de Websiite bäschtelet. D’Siitelischtä und au d’Sektion mit de Hobbies hani erwiiteret resp. überarbeitet. Äbeso heds ä Siite mit „Latest Pictures“ gäh - dette chamer diräkt mini letschte Flickr-Uploads aluegä.

Vil Spass

Tags: Webseite

Sodele, uf de Websiite hed sich au nu chli öppis wenigs ta - äs hed ä nüüi Kategorie „Hobbies“ gäh und mini Links sind nüü online abrüefbar.

Under de Kategorie „Hoobies“ tue ich üch gärn mini chline Liebling vorschtellä. Luegid doch mal inä.

Mini Links sind nüü bi „delicious.com“ usglagerät - das hed de Vorteil dasi die au cha mit mim iPhone aktuell haltä und aluegä

Tags: Webseite

Sodele, wener etz guet ufpasst hend, de gsender uf de rächtä Siite ännä (aso nur uf de Websiitä dases dettä ä nüüi Kategorie "Movies" gäh hed. Wener dette druuf drückid wärdid ier automatisch uf mini Siite bi youtube.com gschpickt woner mini Videos chönd aguggä

Tags: Webseite

Vilicht isches ja niemerem ufgfallä, aber mini Webcam hed sit Wiehnachtä immer s'gliichä Bild azeigt. De Mangel isch mier schu lang ufgfallä, aber leider hani eigentlich ja nüd defür chönnä, will sit mi Webhoster is nüüä Rächäzentrum züglet hed hed mini Webcam d'Bilder nümme chönne umbenännä. Au de Support isch nid so supporterig gsi und hed für mis Problem kei Lösig gfundä.

Aber irgendwie hed mich das gnärvt und plötzlich hani d'Idee gha wasi chönnt machä. Gdacht, getan und siehe da: Es läuft wieder! Viel Spass bim ineguggä und d'Ussicht gniessä

Tags: Webseite

Sodele, etz hed d'Updateonitis au nu s'Wättermodul under "Informations >> The weather now" erfasst. Dank em weatherchannel.com hemmer etz nu äs paar me Informatione über s'Wätter i de Region.

Tags: Webseite

Sodele, au mich hed jetzt s'Updatefieber packt und ich ha churzerhand uf die nüüscht Version vo Rapidweaver inegsogä. Rapidweaver ermöglichet dass die Websiite immer so schön usgsehd und mini geischtige Ergüss und ortographische Stilbrüch is Web bringt

Für meh Informatione chamer uf folgendi Websiite surfe: www.rapidweaver.com

Tags: Rapidweaver, Computer, Webseite

Sodele, hüt isch äs nüüs Kapitel a de Siite zuegfüegt wordä

Vil Spass bim schtöbere und luege

Tags: Eidrien, News, Webseite

Unglaublich, sit zwei Mönet hani nüme gschribä was mier persönlich wichtig erschiint. Was chönnt de Grund sii? Kei Ahnig, aber mier schiint nid dass sovil Wichtigs vorgfallä isch dases sich glohnt hätt z'schriibe

Tags: Eidrien, News, Webseite