Axial
Des Pinzis neue Kleider...äh Haube...
11. 01. 2009 - 20:22 Abgelegt in: Hobby
Sodele, lang heds duuret, aber hüt hani mal Ziit gha
zum am Pinzi äs paar nüüi Chleider...äh pardon, Hubä
z’machä. De Underbuu isch de gliich wie wiiter
unnä schu mal vorgschtellt, eifach
d’Karrosserie hani ä anderi druffä.
|
Pinzi Evolution
28. 10. 2008 - 20:37 Abgelegt in: Hobby
De Pinzi hani üch ja schu einisch vorgschtellt. Wie
ier ja wüssid, bini ja mit mim chline Krabbler sehr
z’friedä gsi - obwohl, i letschter Ziit hani
gmerkt dass da nu chli Verbesserigspotential vorhandä
isch. Also hani mal wieder i de USA chli Teili
bschtellt und inere längere Baschtelschtund hani die
folgende Nüüerige iibuuä.
De Pinzi hed ä nüüi Skidplate (quasi de Buuch) übercho, die üssere Links sind nach ine gwanderet, de Lenkiischlag hani vergrösseret, d’Stossdämpfer sind fiinjustiert wordä, de ganzi Kabelbaum hani frisch verkablet und mit schwarzem Gwäbschluuch usgfüehrt, de Akku liid etz quär uf de Vorderachs (nümme längs), de Radschtand isch uf regelkonformi 31cm gwachsä (bringt meh Stabilität), ä Occasionsfrontrammer vomene Tamiya Ford F-350 schmückt und schützt etz d’Front und last but not least heds nu nüüi Felgä (Proline) und Reifä (Proline Hammer M3 mit Memory-Foam) gäh.
So grüschtet ziehd de Pinzi locker dervo...äh de Hoger duruf
De Pinzi hed ä nüüi Skidplate (quasi de Buuch) übercho, die üssere Links sind nach ine gwanderet, de Lenkiischlag hani vergrösseret, d’Stossdämpfer sind fiinjustiert wordä, de ganzi Kabelbaum hani frisch verkablet und mit schwarzem Gwäbschluuch usgfüehrt, de Akku liid etz quär uf de Vorderachs (nümme längs), de Radschtand isch uf regelkonformi 31cm gwachsä (bringt meh Stabilität), ä Occasionsfrontrammer vomene Tamiya Ford F-350 schmückt und schützt etz d’Front und last but not least heds nu nüüi Felgä (Proline) und Reifä (Proline Hammer M3 mit Memory-Foam) gäh.
So grüschtet ziehd de Pinzi locker dervo...äh de Hoger duruf
Pinzi...
19. 10. 2008 - 21:31 Abgelegt in: Hobby
Sit am Samschtig isches sowiit - mi nüüschti
Gartechrüücher hed s’Liecht vom Herbscht
erblickt und hed au s’erscht Mal veruse döffe
gu chli umesurrä. Aso chli umesurrä isch undertribä:
Är hed grad wieder s’volle Programm döffe uf de
Teschtschtrecki bewältigä und ich bi mier vorcho
wiene schtolze Vater
D’Basis bildet ä Buusatz vo Axial, nämli de AX-10 Scorpion. Als bsunderi Useforderig hani de Leiterahmä vo TCS Crawler verwandet und de Buusatz dett drii verpflanzt. Äs hed schu chli Hirnschmalz und Geduld bruucht, aber äs hed sich glohnt. S’Fahrwärch wiist äs Droop-Setup uf, das heisst dass d’Fäderig uf Zug und nid uf Druck reagiert. Au hani die ganz Ufhängig ines 4-Link-System umfunktioniert und de Rescht wo mier chli schwach erschiene isch (C-Knuckles, Lockers und Servoarm) grad mit richtigem Material usgrüschtet. So ischer bereit für Schandtate aller Art.
Äs Filmli daf natürli au nid fählä => Klick mich sanft!
D’Basis bildet ä Buusatz vo Axial, nämli de AX-10 Scorpion. Als bsunderi Useforderig hani de Leiterahmä vo TCS Crawler verwandet und de Buusatz dett drii verpflanzt. Äs hed schu chli Hirnschmalz und Geduld bruucht, aber äs hed sich glohnt. S’Fahrwärch wiist äs Droop-Setup uf, das heisst dass d’Fäderig uf Zug und nid uf Druck reagiert. Au hani die ganz Ufhängig ines 4-Link-System umfunktioniert und de Rescht wo mier chli schwach erschiene isch (C-Knuckles, Lockers und Servoarm) grad mit richtigem Material usgrüschtet. So ischer bereit für Schandtate aller Art.
Äs Filmli daf natürli au nid fählä => Klick mich sanft!
De Adrian's Schrein...
08. 10. 2008 - 21:33 Abgelegt in: Hobby
Tja, d’Ferie sind ja schu länger durä und de
Alltag isch schu wieder iikehrt. Ganz? Nu nid ganz,
denn d’Ferie hend nu chli Schpure hinderlah.
Vorallem was de Familiezuewachs anbetrifft. Neinei,
nid de Zuewachs - mini Gartechrüücherlis hend äs nüüs
Gschpänli übercho. Geschter heds de Schtorch...äh de
Pöschtler glieferet. Das heisst sit geschter bewohnt
ä Axial AX-10 Scorpion üses Canape. Tönt gfährlich,
isches aber nid. Voilà:
Natürlich wirder nid so eifach ufbuuä, neinei. Ier gsehnd ja nu ä Huufä Teili im Vordergrund. „Nönö, der is nich’ original, des sag’der gleich!“ - das isch s’Motto. Denn eifach isch geschter gsi, hüt wirds richtig gmacht.
Natürlich wirder nid so eifach ufbuuä, neinei. Ier gsehnd ja nu ä Huufä Teili im Vordergrund. „Nönö, der is nich’ original, des sag’der gleich!“ - das isch s’Motto. Denn eifach isch geschter gsi, hüt wirds richtig gmacht.
